|
SUKSES ABE LIBBENSKOADE SUPER ABE FERSUS WIZE FROU BENNY NEYMAN SWIERE RIDDERS NORTON FIRUS DE WET
teksten, skreaun foar it teater-en byldenfestival yn Riis, ein augustus 2002
|
Teksten: Marc Kooij/ oanfollings Elmar Kuiper Kooij/ oanfollings Elmar Kuiper
|
|
Abe 1 Kinne we úteinsette mei de gearkomste? Abe 2 Eefkes noch. Ik mei opnij opstarte. Abe 3 Ik fyn it mar niks dat it salang duorret foar’t we einlings begjinne kinne. Ik ha it idee dat alles al lang en breed besprutsen is. Sa kin ik myn ynfloed net mear jilde litte. Ik bin gjin akteur dyst samar in tekst foarleist! Ik leppelje net samar in tekst op! Dêr wurd ik net foar betelle! Abe 1 Eh ja, dat is net wêr’t it om giet. Somtiden duorret it wat langer ast soest wolle hé… Abe 1 Wêr giet it einliks oer? Abe 1 Byldentaal. Senses. In omjouwing dêr’t alle sinnen prikele wurde… Abe 2 Komt dat út dy brief? Abe 1 Ja. Der stean wol mear moaie sinnen yn. Gewoan alles mar yn ‘e tekst dwaan? Publyk Earst alles opslaan. Abe 1 Ik sla de feroarings op. Abe 2 Sille we earst de sinnen telle? Abe 3 Goed plan. Fiif liket hjir it magyske getal. Abe 1 Prymgetal? Publyk Jawis! Ken yn jo tebektinken de fiif punten fan it pentagram. Mins wurdt skepper. Hieltyd wer tebûket ferbittering oant alle hope út jo wêzen ferdreaun is. Label de oerbliuwsels. Misantropysk nihilisme. Mei rjocht en reden binne we bang foar de gefolgen fan ûneigenlik gebrûk fan ‘e sinnen. Abe 1 Binne we mei ús trijen? Publyk Us ûnderfinings binne machtiger dan we oait mjitte kinne. Mar alles streamt troch dizze fiif kanalen. Sintugen binne natuer. Publyk sjongt Abe moed yn Tekst: Marc R. Kooij Oanfollings: Elmar Kuiper
LIBBENSKOADE Abe Sukses #2 in doar waait iepen, ljocht streamt de gong yn immen rint nei bûten, it gesicht fan in frou har lippen ferwege, se praat oer leafde en freonskip ik doch de eagen ticht en ferflok it minskenras neat bliuwt oer fan jeugd en bernetiid in soad is ferlern, de kliber grommet sêft yn ‘t feale ljocht dûnset in iensume steatsman in stadiche wals foar de betiisde Ierde start de motors, lit it spul begjinne de kliber stiet op en freget om mear stadich giet it bloed nei myn wurge eagen de kliber stiet op en freget net mear de kliber stiet op en wol net mear de kliber giet fuort en hoecht net mear de kliber giet fuort en bestiet net mear A 3-1-2-4-5 B 3-4-5-1-2 C 3-5-4-1-2 D 3-5-1-2-4 E 3-5-1-4-2 Súkses! Us súkses! Abe súkses Wize frou Kuierjend troch dit Fryske paradyske treffe jo ferskûle tusken de âlde bosken, iepen plakken en smûke hoekjes oan. Hjir yn it beamtegrien komt hast fansels in ferhaal op gong. Abe 1 De burden groeie Abe 2 De winter ticht Abe 3 It friest yn ‘e holle Wize frou Dizze ferhalen wurde troch keunstners ta libben brocht, sa gau’t de rispinge binnen is en it goed tôvjen is op ‘e tún. De skimer, dy’t lokket mei al har geuren, noeget út ta in kuiertocht. Publyk Hey maestro, how’s life? Abe 1, 2 en 3 Life’s cool. Publyk Life is real. Wize frou It libben is mear as in jefte. Wa’t in swak hat foar drama komt dizze jûn genôch oan syn of har gerak. Abe 1,2 en 3 No hard feelings. Wize frou You’re dead asshole! Abe 1,2 en 3 draaie de holle ôf Publyk Hahahaha. Abe sla op! Sla op! Sla op Abe! Abe 1 Ik slút alle bestannen en sla alle feroarings op. Publyk Wy binne de fiif publike tsjûgen. Go for it son! Abe sla op! Sla op! Sla op Abe! Abe 1 Sá, dat is opslein.
Abe rint de tsjusterens yn en raast fan in ôfstân mei in
monotoane stimme yn ‘e kamera Abe 1 Myn buorfrou wennet net fier hjirwei! Tekst: Marc R.Kooij en Elmar Kuiper
SUPER ABE FERSUS WIZE FROU Wize frou Super Abe, kinsto my hearre? Ik wol dy wat fertelle. Super Abe, wêr bisto? De blêden flústerje dyn namme. Super Abe, ik smeekje dy, jou dochs antwurd, it is hjir sa kâld en tsjuster. Super Abe Ik bin hjir. Myn kat sliept op ‘e skurte en spint in sêft liet. Hy hjit Mikkie. Hy is kastrearre. Wize frou Wier o wier Super Abe, wier of net wier. Myn ear is iepen mar heard de oanwizings net. Myn stimme flústert mar fynt de harker net. Wier o wier Super Abe, wier of net wier? Publyk Wier o wier Super Abe! Super Abe Ik stean hjir. Myn hûn is dea en wol net mear mei my prate. Myn dea is mines net, it is myn hûn dy’t foar my yn it plak stoarn is. It is it plak fan ‘e nacht, it is it plak fan ‘e dei. Ik bin stjerrekundich. Ik bin rûnom. Wize frou Ik ha rûnom socht, yn myn jeugd en yn myn takomst. Myn hannen taaste lâns de muorren fan it ferfal, myn fuotten skoffelje oer smelle paadsjes lâns de libbensfoljende marren. De hierren op ‘e holle binne griis fan it prakkesearjen. De hierren groeie dea op ‘e plasse. Myn fuotten binne opset. Ik krij blierren op myn wurge fuotten. De blierren tebarste. De ieren yn myn lichem wurde âld fan it sykjen Super Abe. De ieren slippe yn it tsjuster ticht. Publyk Wize frou, hat jo wiisheid jo ferlitten? Wy hearre jo libbenswurgens trochklinke yn jo taal. Wize frou, jo lije ûnder jo eigen swierwichtigens. Jo bouwe jo lijenswei mei ôfslipe stiennen, jo stapelje domwei klisjee op klisjee. Wize frou Okay, okay it stiet der wol op… tekst: Marc R. Kooij en Elmar Kuiper
BENNY NEYMAN Kommentaarstimme Efter de ferbaarnde brêge leit de dream dy’t wy takomst neamden. Ljocht parset har muoisum troch it tsjustere wâld. In nachtlike stimme boart har in wei troch dyn plasse. Wize frou Ynkompetinsje? Kommentaarstimme Ynkompetinsje. In kâlde wyn waait oant yn it djipst fan dyn mûle en streaket dyn âlde follings. It moas ûnder dyn fuotten dûnset yn in weagjend ritme wylsto dy stadichoan ferwiderest en nije yndrukken sikest op in mei soarch oanlein parkoers. Benny Wêrom prommelje ik dyn namme noch. Wêrom kin ik it byld fan dyn jonge antlit net ferdriuwe út myn wêzen? Wêrom bliuwe myn sinnen ôfsletten fan nije yndrukken. Hoelang noch bliuwt it fergif fan dyn oantinken yn ‘e geast omspoekjen. Kommentaarstimme In wiere kaptein ferlit syn skip net foar’t it
oan anker leit en de feilige haven yn it sicht is. Hieltyd wer wurdt
it sketste byld fersteurd, wurdt it fisioen ferbrutsen. Hieltyd wer
slaat leafde om yn haat en krijt de ynterpretaasje fan ‘e oanleverde
ynformaasje in negative lading. Wize frou Jo sjogge de dingen graach ûnderbeljochte. Besef wol dat de risseltaten ôfhinklik binne fan jo ynset en jo belutsenheid by de ûntwikkeling fan it produkt. Jo tsjinje al jo sinnen te setten op it berikken fan dit iene doel. Jo rjochtsje jo folslein op it meitsjen fan it ultime wurkstik. Kommentaar Focussed op ien doel! Jo tsjinje al jo sinnen te setten op it berikken fan dit iene doel, jo folslein te rjochtsjen op it meitsjen fan it ultime wurkstik. Benny Dat sei de wize frou sa niis ek al. Kommentaar Ik bin net makke út stien en kin dyn oanmerking net samar slûpe litte. Ik fiel de ûnmacht en lilkens tanimmen. Ik ha in wearze tsjin wiisnoazen lykas dy. Sa kin it net langer, as it sa moat dan skriuwsto tenei dyn eigen teksten mar! Benny Myn sinnen binne blust. It wie moai, it wie goed. Betanke! Oant sjen! Tekst: Marc R. Kooij Oanfollings: Elmar Kuiper
SWIERE RIDDERS Wize frou Abe, Abe, Super Abe harkje goed nei myn wurden. Sûnder wurden fertel ik oan dy myn namme. Ik bin it dy’t yn it djipst fan dyn siel sjocht en mei in fergrutglês splinters pine opspoart. Ik bin it dy’t dyn wûnen fan binnenút hielet, dy’t dyn hûd fersoarget mei lekkere wûnderoalje. Super Abe, ek ik hear de gemiene roppers, de skrassende roeken dy’t gemien laitsje kinne, dy’t gemien sjogge en gemiene dingen sizze, dy’t se eins net miene. Myn sinnen binne útsprutsen en miend. Abe Super Abe, ik rop dyn namme. Jou antwurd. Abe molewjukket mei de earms, stekt rjochterhân út Ik bin myn geast. Panykskopper Ik twivelje oan it nut fan dizze gearkomste. Abe Kreas yn ‘e klean stean ik yn it bleate ljocht en hear it oehoe oehoe oehoe oehoe gerop fan ‘e wize ûle. Yn ‘e nacht set ik ôf. Underweis moetsje ik myn tsjustere ik by de wâl fan ‘e rivier. In waarm lichem streamt troch my hinne, as in goed folle glês read bier. Tsjoek tsjoek tsjoek klinkt de meganyske rop fan ‘e melangoalyske klyster op in toarre tûke. Wize frou Dizze gearkomste giet om dyn fertolking fan Abe, Super Abe. Do spilest de haadrol yn dit persoanlike dramastik. Nimmen kin dy treast jaan Super Abe, do bist allinnich. Abe O har roazige wangen wol ik tútsje. O har mûle smakket as in ripe abrikoas. O har tuten smeitsje nei Venus. Ik sjoch omheech en tútsje gitswarte lucht. O ik krij de swartlakers op ‘e hân. De antike woartels rotsje ûnder myn skonken wei. Panykskopper Dat besef moat trochklinke yn ‘e taal dyst sprekst. Abe De planeet dêr’t ik op wenje is in stiennen skoech. Oan ‘e foet fan ‘e metalen God groeit de sitrusbeam. Almachtige agrariër, dûns en drink op it feest fan ‘e rispinge. Til jo skonken op en syl fuort op ‘e klanken fan ‘e swiere ridders. Tekst: Elmar Kuiper Oanfollings: Marc R.Kooij
NORTON FIRUS Abe It moat noflik klinke, sadwaande set ik twa toanen by elkoar. Oe aa. Efter dizze toanen leit in leger toansoarten ferskûle ûnder it wiete gers. Betiid yn it jier sjitte se sie en groeie se fluitsjend de grûn út. De ambysjes fan ‘e griene aspiranten rikket fier! Se stekke harren puntige koppen op en poetse harren hillige lippen. Se lizze in gersfjild fan lead oan by de bange boarger. Bytiden moetsje ik in laitsjende klown yn ‘e tsjustere kantine fan ‘e Grutte Steat. It is in duvelske maniak, dy’t kapsules bloed stikken byt en laket mei reade tosken. Hy wol my de kroan fan it aktearjen ôfnimme. Mar hy… hy aktearret as in oankommeling. Syn amateuristyske skatterjen docht pine oan ‘e earen fan ‘e follearde oefeners, de beropsakteurs, dy’t roppe en raze om bôle en wetter. Leaver draai ik my om en rin werom nei it iepen plak yn it wâld, dêr’t de leave bliidskip ropt, de sprinkhoanne as in skjinne bister baait yn it ljocht. Panykskopper De oefeners kenne harren skiednis goed, mar sjogge gjin ljocht yn hokfoar gearwurking dan ek. Se falle stiif op ‘e knibbels del en stelle bôle út ‘e mûlen fan ‘e wiere stribbers. Alles draait om ‘e wijingsdûns. Alles draait om ‘e wijingsdûns. Wize frou Alles draait om ‘e wijingsdûns. Alles draait om ‘e wijingsdûns. Alles draait om ‘e wijingsdûns. Abe Dûnsje! Wize frou en panykskopper dûnsje in pear tellen Wize frou en panykskopper De dûns kin gjin ekspresje. De dûns kin gjin ferwiten. De dûns kin gjin takomst. De dûns is oerflakkich en befruchtet stjonkend de ivige meanfjilden. Abe Ik ha kramp yn ‘e fingers fan it wrotten yn ‘e grûn. Myn hannen ferkrampe. Ik bin in glimmige wjirm dy’t yn twaën hakt wurdt troch de leppe fan ‘e boer. Bliedend en kronkeljend libje ik fierder yn twa helten. Ik bin in smaaklike trofee foar de groulivigen, in slachtbaarch op it spit fan ‘e jager. Ik bin in reahart. Myn hoarnen hingje oan ‘e muorre by de bankier, de dokter en de notaris. Wize frou Ik bin springende lilk! Ik ha skjin myn nocht. Myn nuodlikens is op. It is dien mei de leave frede! Ik smyt myn fjoerballen yn dyn rjochting. De aardichheid is derôf. Yn ‘e fjoersee baarnt in lytse rotfonk… Panykskopper Dôfje it fjoer, dôfje it fjoer! Wize frou It is te let…myn rêstige wiisheid bestiet net mear. Abe It nortonfirus is in krêftich kompjûterfirus dat jo antyfirus útskeakelt en de oanfier fan farske firussen tastiet en soarget foar in folsleine ferlamming fan it bestjoeringssysteem fan jo flitsende softwaremjittichstjoerde masine. Jo kompjûter rekket fan slach en kin yn in jiskepûde by de dyk delset wurde. De fentilator rint fêst, de bios is ûntregele, de hertkleppen bejouwe it en de ynterne prosessor fleant yn ‘e brân. Ek dizze kompjûter is ôfskreaun. Abe, wize frou en panykskopper klopje op ‘e beammen Abe, wize frou en panykskopper De hjerst kloppet op ‘e beammen Publyk ropt en stampt mei de fuotten op ‘e grûn Publyk Hu ha ha ha Hu ha ha Hu ha ha ha Hu ha ha Hu ha ha ha Hu ha ha
Tekst: Elmar Kuiper Oanfollings: Marc R.Kooij
DE WET Foarboade Ynkoarten komt ús ûnderhâldstsjinst by jo lâns om it jierliks lytsûnderhâld by jo te dwaan. Wolle jo de lytse reparaasjes al fêst notearje? Dan kin ús fakman fuortendaliks oan ‘e gong. Reparateur Mannichien hat my help bean yn drege tiden. Ik kin net fleane útsein yn myn geast. Ik feroarje yn in earn en besjoch de wrâld op in ôfstân. Ik gnirje yn eigen earen en fei by thúskomst it bloed fan ‘e fingers ôf. Myn trauma’s lizze beskûle yn it wâld. Dêr steane twa tuorren, de stiennen eachlûkers dy’t regearje mei izeren fûst, sels oer harren grêf hinne. En ik fiterje myn hynder oan, myn hynder fjouweret troch leech strewelleguod. Wy flechtsje foar de deadlike krêft fan ‘e boekebeam. Foarboade Mei it gemak as fan in wiet himmeldoekje wurdt jo wente sûkerskjin en yn ‘e âlde steat werombrocht. Muzyk wurdt oant middernacht live spile troch in fiifmansorkest. Dêrnei sil de dj it entertainmentpart foar syn rekken nimme en jo ta de nacht út bedjerre mei de klanken út syn stereo-ynstallaasje. Reparateur De normale ûnderhâldsreparaasjes en steurings kinne jo alle wurkdagen melde fia tillefoannûmer 058-2334133 Foarboade In slim fersom. It is gjin drigemint. It is de wet. Tekst: Marc R. Kooij Oanfollings: Elmar Kuiper
|
publyk
super abe
Benny Neyman
fiif sinnen
wize frou
de wet
de wet
|
